THE BROTHER-IN-LAW!😂🤣

By Sisi Senaponi

 


Una compliments of dey Hicor-normi o!

My customer say she nor dey do anything wey stress her last Christmas season.

I say una nor get visitors? She say na only one Brother-in-law she kukuma get. Her own twin sister dey obodo oyinbo.

She say the thing wey her Brother-in-law (BIL) carry her eye see last year! God forbid bad thing!

I balance say make she knack me tori o...

She say she buy two gigantic okuko, bag of rice and other things say at least, Christmas and new year don settle.

She say she go salon come back, one full, mature, okuko wey get ‘bearbear’ don miss! *Hian! *

 Chineke! Who wan enter balcony for upstair, get confidence and lift a whole okuko!

She say her twins shidren dem go their classmate birthday. She never go carry them come back house sef!

Na who she go come ask?? BIL say na inside room he dey all day! *side-eyes*

She say,  so he nor hear okuko wey dey shout like say person wan thief am?! He say mba!

Issoraite!  Na last minute she go buy frozen turkey to balance the thing!

My Customer cook Jellof rice and turkey, and other small chops wey she order!

She comot go hospital to see her Mother-in-law(MIL) wey dey on admission with Orbii! 

*This her MIL wey threaten her say she nor go see next December after small kworeh! *

Na im dey come back house, the second okuko don enter metaverse!

She nor even see feather talk less of chicken shoe!

 

Na im she say she crase ! Wey she go face her BIL and say if he nor confess, he kukuma know say she be crase! She Say she go call the entire community on top him matter! Kiikiikii...

Nna ehn, nothing happen!

He still deny say e nor see person wey kidnap okuko!

Na boxing day wey person begin bang door at 6am! Na wetin be this?!

 Customer say na police show face with one guy, that one say dem bet and her BIL nor gree pay in full! So he agree installment, as he no get money!

Na so her Brother-in-law go snap okuko pisure to negotiate! Na so he carry the okuko give am as part payment, some days to Christmas!

Ehn ehn so wetin come remain?!

He say BIL still dey owe am, so he wan come carry the second okuko or money balance!

I say wetin your Orbii talk?!

She say her Orbii pay the boy, they comot with police! As he nor dey like make anybody hear their voice for their compound!

Ok na! So where the Second okuko go?! He deny say no be him o!

Anevasi o! Broad daylight korokoro lie lie!

Na for evening wey Landlady call my customer for phone say, thank you for the okuko o, as her BIL don begin take care of him wife, wey be her daughter!

*proposed wife na landlady pikin! *

Landlady say she nor mind if my customer send groundnut oyel wey dem go use fry the okuko join o!

* I don laff throway leg for up! God abeg! *

I say you hope you add half bag of rice join the oyel?!

 My Customer say she nor only go retrieve okuko, she say Landlady sef chop elbow on her way out!

Kiikiikii...! This one off me o!

Comments

Post a Comment

Popular posts from this blog

SUGAR BABY IN THE MUD!

By Sisi Senaponi
U na kpoi kpoi kpoi e! Hmm... For the compound wey face our yard! One innocent looking, female corper dey live with one of her female friends! Small time, one married young man begin find her come. He nor too teh wey he buy her car! Everything dey go well, until one day wah dey waka pass! *sideeyes* No be say I waka pass like that, like that...I don already pass, so I come re-waka again.   As I sight the man inside him car ontop phone, when he dey vibrate like vulcanizer engine! He begin shout! Make she nor call my number again! If I like, I will not send money or even bother to see my children for another ten years! It's my business not anybody's! He cut phone! Hmmm.. Confuse come catch me, so I begin watch the man with my internal eyes! So this man deliberately abandon wife and shidren,  he come port sinceee, and turn himself to Bachelor without divorce! *Na wa!* Anor even know as emotions just carry me that day, wey I remember some of my schoolmates when we dey Primary...
Read more

SPIRIT HUBAND MATTER!

By Sisi Senaponi
Kpoi! Kpoi! Kpoi! Na who tie rope for gate? Una Goat don waka reach Junction o! E nor even remember wear shoe! My good friend say her family na soap opera! She say her Grandmama cause plenty problem nor be small! She say the woman don carry spirit husband dash all of them ahead ahead before dey even born most of them! She say the woman sabi jump from one gini gwanu to the other! Say if persin ask her, she go say na to protect her children! She say out of 12 children wey Grandma born, na only 3 manage and stay! Two boys and a girl wey be her own Mama! She say as their Grandma kpai like this, she don handover the 'thing' give her own younger sister wey dey with her for village during that time! She say she sef begin suspect that her younger sister and her mother because e get how dem dey sleep for night! God abeg e!😂🤣 She herself turn to monitoring spirit! I say why you nor follow dem sleep like that? She say blood shortage go worry her for leg! *yeye geh!* ...
Read more

GEN Z!

By Sisi Senaponi
K poi! Kpoi! Kpoi! Una well done o! How market and hustle?! E go better! I sidon for my side, na im oga Peter waka pass with him container! I say make i check for new dross and patronise him. Oga Peter first daughter waka pass, inside school uniform with her friends. She no wan greet her Papa o! Na me say Georgina, how school today?! Be like say hunger don comot your left eye, wey you nor quick see your Npa ba?! She squeeze face, greet herself with shame and pass! Oga Peter say him pikin tell am say, make he nor dey advertise women wares come her school area!  She say her friends dey laff her, say her Papa dey sell dross! *Udonminit!*  I say thesame money wey you dey use send her go the school?! Buy books, uniform and sandals! I say she 'couldn't' be! The next day, after I don open shop put person there, I call Oga Peter for phone say I get customer for am! He join me for junction, I carry am enter him pikin school! He nor wan follow me, begin look if him pikin go see am! N...
Read more